काठमाडौं । स्थानीय बजारमा मंगलबार सुनचाँदी सोमबारकै मूल्यमा कारोबार भएको छ ।
यस दिन छापावाल सुन प्रतितोला एक लाख ४६ हजार ३०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । सोमबार पनि छापावाल सुन यही मूल्यमा कारोबार भएको थियो ।
तेजाबी सुन प्रतितोला एक लाख ४५ हजार ६०० रुपैयाँमा कारोबार भइरहेको छ ।
चाँदी प्रतितोला एक हजार ७९० रुपैयाँमा कारोबार भइरहेको छ । सोमबार पनि चाँदी यही मूल्यमा कारोबार भएको थियो ।