काठमाडौं । राष्ट्रपति रामचन्द्र पौडेलले संघीय संसदको दुवै सदनको अधिवेशन आह्वान गरेका छन्।
मन्त्रिपरिषदको वैशाख ८ गतेको निर्णयअनुसार राष्ट्रपति पौडेलले प्रतिनिधि सभा र राष्ट्रिय सभाको अधिवेशन आह्वान गरेका हुन्।
वैशाख १७ गते दिउँसो २ बजेका लागि बैठक आह्वान भएको छ।
यो अधिवेशनमा मुख्यगरी सरकारको नीति तथा कार्यक्रम र बजेटमाथि छलफल र पारित हुन्छ । जेठ १५ गते बजेट संसदमा प्रस्तुत गर्नुपर्ने संवैधानिक व्यवस्था छ ।
सरकारले बजेट निर्माणको काम धमाधम गरिरहेको छ ।