काठमाडौं । नेपाल आयल निगम लिमिटेडले पेट्रोलमा प्रतिलिटर २० रुपैयाँ तथा डिजेल तथा मट्टीतेलमा ३० भाउ घटाएको छ ।
हवाई इन्धनमा ४० रुपैयाँ प्रतिलिटर घटाएको छ भने खाना पकाउने एलपी ग्यासमा प्रतिसिलिण्डर १ सय रुपैयाँ मूल्य घटाइएको छ ।
मूल्य घटेपछि पेट्रोल १ सय ९७, डिजेल तथा मट्टीतेल १ सय ९५ र आन्तरिक हवाई इन्धन २ सय २९ रुपैयाँ कायम भएको छ । खाना पकाउने एलपी ग्यास २ हजार ६० रुपैयाँ प्रतिसिलिन्डर कायम भएको छ ।
मध्यपूर्वमा युद्धविरामको सहमतिसँगे अन्तर्राष्ट्रिय बजारमा मूल्य घटेपछि नेपालमा पनि आयल नियमले मूल्य समायोजन गरेको हो ।
अन्तर्राष्ट्रिय बजारमा पेट्रोलियम पदार्थको मूल्य ह्वात्तै घटे पनि नेपालमा भने अपेक्षित रुपमा मूल्य नघटेको सरोकारवालाहरू बताउँछन् ।
अन्तर्राष्ट्रिय बजारमा भाउ बढ्दा तत्कालै ह्वात्त बढाउने निगमले भारी गिरावट आउँदा भने थोरै घटाएको गुनासो उपभोक्ताको छ ।